Xolxodjayev - Bir Kecha Mehmoning Bo'lay

Ko‘zlaringga qarab tursam maylimu,
Sochlaringni tarab o‘rsam maylimu,
Quchog‘ingda sayrab tursam maylimu?
Xo‘p degin, bir kecha mehmoning bo‘lay,
Bir kecha bag‘ringdagi joning bo‘lay.

Bir kecha bag‘ringdagi naqshing bo‘lay,
Bir kecha dunyoda eng yaxshing bo‘lay,
Shoiru oqin bo‘lay, baxshing bo‘lay.
Xo‘p degin, bir kecha xushxoning bo‘lay,
Bir kecha bulbul, g‘azalxoning bo‘lay.

Siynalar intilmay isyon qiladi,
Siynabanding bag‘irni qon qiladi,
Ko‘zlarimni xonavayron qiladi.
Xo‘p de, jonim, siynabanding bo‘layin,
Tonggacha asalu qanding bo‘layin.